السلام عليكم البنات
هاذ الوصفه تطول الرموش وتكثفهم من الشهر الاول بضمااااااااانتي
راها مجررررربه على بزززززززاف ديال البنات
ندخلو في المقاديربلا منطول عليكم تاخذي
زوج معالق صغار زيت الحبة السودا ( حبة البركة )
زوج معالق زيت خروع ديال الفرمسيان
معلقه ونص صغيره عسل نحل حررررررررررر غير الحر مايمكنش
معلقه كبيره نواة تمر محمره في الفران ومطحونة ( نواة التمر معروفة من حديث الرسول عليه الصلاة والسلام بما معناه انها تحد البصر وتنبت الرمش )
يعني تاخذين النواة وتغسليها مززززززززيان وتحطيها في الفران تتولي كحله باش تطحن ليك الا ماولاتش كحله راه تعذبك في الطحين
انا تندير في بلاصة الثمر كحل الاثمد لانه ثمر عذبني في الطحين
ولكن نتيجة الثمر حسن من الاثمد باش نكونو مفاهمين
وخلطي المواد كلها وديريها في قرعه ديال المسكارا تكوني غسلتيها ونشفتيها مزيان
ومني تبغي تنعسي ديرها بحال كيما تديري الماسكرا لشفرانك عرفتي علاش لانه مني تنعسو عينينا تيبقاو مسدودين ومحمين فهمتي ياك
ولي معندهاش الحجبان ديرها ليهم راه تتنفع ليهم
وتفكروني ودعيو معايا ودعيو مع صاحبت الوصفه لي نقلتها منها ليكم